Сен кейде мәсіхші ретінде өмір сүруге күшің жетпей жатқандай сезінесің бе?
Өміріңде Құдайға ұнауға тырысып, үнемі сәтсіздікке ұшыраған кездер болды ма?
Егер сен әр күнді Киелі Рухтың күшімен өткізсең, өміріңде не өзгерер еді?

Күштің көзі
Телефоның толық зарядсызданғанын елестет. Қолыңда әдемі, қуатты, түрлі мүмкіндігі бар смартфон бар — бірақ қуатсыз ол пайдасыз. Біз де солаймыз: құтқарылған, кешірілген, Құдайдың баласы болғанымызбен, Киелі Рухсыз Құдайдың еркімен өмір сүре алмаймыз. Өз күшімізбен тырысамыз, бірақ бәрібір көңіліміз қалады. Неге? Себебі мәсіхшілік өмірге қажетті күш бізде емес, бізде тұратын Киелі Рухта.
Рухсыз әлсіздік
Көп мәсіхшілер Құдайға ұнағысы келеді. Бірақ бұл ниет көбіне сәтсіздікпен аяқталады: қайта-қайта құлаймыз, рухани әлсірейміз. Елші Пауыл: «Жақсылық жасағым келеді, бірақ жасамаймын, ал жамандықтан қашқым келеді, бірақ оны істеймін» деді. Біз де осындай күйде боламыз.
Неліктен сонша қиын? Себебі Киелі Рухсыз рухани өмір мүмкін емес. Ол бізге күш, даналық, махаббат, төзімділік пен қуаныш береді.
Киелі Рух деген Кім?
Киелі Рух — жай күш емес, Ол — Тұлға. Ол — Құдай. Ол сені сүйеді, басшылық етеді, үйретеді және жұбатады. Сен Иса Мәсіхке сенген сәтте Киелі Рух сенің ішіңе қоныстанды (Ефестіктерге 1:13–14). Ол сені ешқашан тастамайды.
Ол — Жұбатушы. Ол Құдайдың Сөзін еске салады, күрделі жағдайларда жол көрсетеді, шындықты ашады. Ол саған Құдайдың еркімен өмір сүруге қабілет береді

Құдай бізді тек құтқарып қоймай, жаңа өмір сүруге күш берді — Киелі Рух арқылы. Бірақ бұл күш өздігінен іске қосылмайды. Біз әр күні таңдау жасауымыз керек: өмірімізді біз басқарамыз ба, әлде Құдай ма?
Киелі Рухпен өмір сүру — бір реттік емес, тұрақты серуен. Бұл «рухани тыныс алу» сияқты: «тыныс шығару» — күнәні мойындау, «тыныс алу» — Құдайдың рақымы мен басшылығын қабылдау.

Мысалы, сен түнде әлеуметтік желілерді ақтаруды тоқтатқың келеді. Бір-екі күн ұстайсың, сосын қайта ораласың. Күнәмен күрес те сондай. Бірақ сен ерік-жігерге емес, Киелі Рухқа сенгенде — бәрі өзгереді. Сен тырыспайсың, Құдай сен арқылы әрекет етеді.

«Мырзам, мен өз күшіммен өмір сүруден шаршадым. Сен мені басқарғаныңды қалаймын. Өмірімді бақылауға алғаным үшін кешір. Саған сенемін. Мені Киелі Рухыңмен толтыр, Сенің еркіңмен өмір сүруге күш бер. Сенің өмірің мен арқылы көрінсін. Аумин.»

Ефестіктерге 5:15–20 аяттарын оқы. Қазір өміріңді кім басқарып отыр деп ойлайсың?
Бүгін «рухани тыныс алу» тәсілін қолдан:

• Тыныс шығару: Құдайға саған кедергі болып тұрған нәрселерді мойында.
• Тыныс алу: Киелі Рухты шақырып, бүкіл күніңді Онымен өткіз.
• Күнделік не жазба дәптер бастап, Киелі Рухтың өміріңдегі әрекеттерін жазып отыр.

Қорытынды

Өмірден мысал

Мінәжәт:

Практикалық тапсырма

Басты бөлім

Кіріспе

Басты бетке өту

Хабарласу

Келесі мақала